Delegatja e PD, Freskida Rapo, e cila është sekretare e seksionit në degën nr. 5, i është drejtuar me një kërkesë zyrtare Kryetarit të Këshillit Kombëtar Edi Paloka, ku i kërkohet t’i vihet në dispozicion formulari në të cilin thuhet se ajo ka firmosur për mbledhjen e kuvendit më 11 dhjetor.
Kërkesa në fjalë, vjen vetëm një ditë pasi Rapo nxori blof deputetin Agron Shehaj i cili shkoi në zyrën e Palokës për të verifikuar firmat e njësisë që drejton. Rapo u shpreh se firma e saj është falsifikuar dhe se ajo nuk ka firmosur për Kuvendin e Berishës.
“Kërkoj të më vini në dispozicion formularin për thirrjen e Kuvendit Kombëtar të PDSH-së, që sipas informacionit të dhënë nga deputeti i zonës elektorale nr 5, Agron Shehaj, rezulton i firmosur nga e nënshkruara, gjë e cila nuk përkon me të vërtetën pasi kam refuzuar të firmos formularin në fjalë”, shkruan delegatja në kërkesën e saj.
Mësohet se, për rastin në fjalë Rapo ka vënë në dijeni edhe kreun e PD, Lulzim Bashën.
Discussion about this post