Drejtori i Institutit të Mjekësisë Ligjore në Shkup, Aleksandër Stankov këtë të enjte ka deklaruar se nga autobusi i djegur janë gjetur dhe është bërë autopsia për 44 trupa dhe mbetje trupash.
Ndër të tjera ai në një prononcim për MIA është shprehur se deri në përfundimin e analizave nuk mund të dilet në një përfundim të saktë përsa i përket numrit të viktimave.
Stankov ka konfirmuar se kur të jenë gati raportet e mjekëve ligjorë maqedonas, të cilët këto ditë ishin në Sofje, ato do t’u dorëzohen autoriteteve bullgare.
Ndërkohë më herët gjatë ditës, zëdhënësja e kryeprokurores Siika Mileva tha se 44 trupa ishin gjetur në vendin e tragjedisë .
Ajo shpjegoi se një nga të mbijetuarit e Pirogovit i kishte thënë se tetë persona kishin shpëtuar . Hetuesit janë ende duke u përpjekur të zbulojnë pse shtatë nga pasagjerët janë në spital dhe nëse ka një të tetë , fati i të cilit akoma nuk duhet.
Discussion about this post