Ish-deputeti i Partisë Demokratike, Klevis Balliu, e konsideron Lulzim Bashën një deputet në shërbim të kryeministrit Edi Rama.
Në një intervistë për Panorama Tv, Balliu tha se tashmë dihet kush janë ata që bëjnë pazare në emër të PD dhe kush është opozita e vërtetë.
“Partia janë anëtarët, PD ka marrë një vendim në kuvendin e 11 dhjetorit, lojërat e Ramës kanë humbur.
Partia është atje ku është shumica, ajo që përballet me regjimin dhe jo njerëz që mbajnë mantelin e opozitarizmit”, tha ai.
Lidhur me zgjedhjet e 29 korrikut në atë që njihet si PD zyrtare, Balliu tha se nuk ka garë në PD, por projekt për plan biznes për Bashën.
“Ka vetëm një PD të tjerat janë zhurma boshe, aksioni i bashkon demokratët. Ne kemi bërë një betim solemn dhe do të mbrojmë votën e tyre, të mos meresh do të ishe tradhëti ndaj qytetarëve.
Ne po denoncojmë me fakte publike vjedhjen dhe krimin që iu bë në 14 maj. Në disa bashki do të bëhen zgjedhjet dhe kjo është falë luftës që ka bërë PD.
Sot qytetarët e dine se ku është opozita e vërtetë. Nëse vërtetohet fenomeni i vjedhjes në një kuti votimi, atëherë sa kuti votimi janë vjedhur”, tha Balliu.
Discussion about this post