Presidenti serb, Aleksandar Vuçiç ka deklaruar i shqetësuar se popullsia e vendit të tij po bie me ritme të shpejta. Madje, presidenti serb e konsideron aq alarmante situatën saqë arriti të bënte një pohim shumë të fortë, duke thënë se vendi i tij po zhduket si komb.
Për këtë arsye, Vuçiç njoftoi se do të trefishohet shuma për nënat që lindin për herë të parë, duke e çuar bonusin për fëmijë në 2.550 euro që nga janari që vjen. Po kështu, do të rritet ndihma ekzistuese për familjet që kanë më shumë fëmijë.
Sipas tij, do të ishte mirë nëse çdo familje të ketë minimumi dy fëmijë, ose më shumë. Për fëmijën e tretë, familjet serbe do të marrin nga 85 euro në muaj për 10 vjet rresht, ndërkohë për fëmijën e katërt do të përfitojnë 150 euro në muaj për 12 vjet.
Discussion about this post