Topi: Të mbyturit dhe njerëzit pa personalitet po kapen te sigla e PD, ja çfarë do të ndodhë

Ish-Presidenti Bamir Topi tha se Partia Demokratike është si puna e atij pacientit që ndodhet në shtrat dhe po lëngon.

Në studion e News24, Topi tha se këtë situatë e ka parashikuar prej kohësh.

“Shoh një parti që ka një histori të vetën, që është shumë e bukur, pavarësisht problemeve që ka sot.

Në 1995, Qeveria e PD e bëri Shqipërinë anëtare të Këshillit të Europës, kemi anëtarësimin në NATO, liberalizimin e vizave, orientimi i vendit drejt BE-së, pavarësia e Kosovës, dhe këto kanë ndodhur në kohën e qeverisjes së PD.

Sot te sigla e PD po kapen të mbyturit dhe njerëzit pa personalitet”, tha Topi.

Sipas tij, një nga këto grupimet e sotme, do të ndërtojë një parti tjetër, që do të jetë shumë e afërt me siglën dhe logon e PD-së.

“Kjo histori po shkon shumë keq për shkak të “mendjendriturve””, tha Topi.