Aligatori del nga liqeni, ndjek njerëzit në park (VIDEO)

Një aligator doli nga një liqen për të ndjekur një peshkatar në Hilton Head, Karolina e Jugut, më 20 qershor, për habinë e vizitorëve të parkut.

Sipas mediave të huaja, pamjet tregojnë një aligator duke notuar drejt peshkatarit, përpara se të dilte nga uji për në bar, drejt burrit që ishte në panik.

Dëshmitari që ka filmuar pamjet ka thënë se po lëvizte me biçikletë me familjen e tij, kur pa aligatorin duke notuar me shpejtësi drejt peshkatarit.

Ai shtoi se disa dëshmitarë të tjerë kishin vazhduar të ecnin më pranë aligatorit dhe ai u përpoq t’i bindte ata të ndalonin.