Deputeti i Partisë Socialiste, Toni Gogu, ka komentuar sot gjatë një intervistë televizive ecurinë e komisionit hetimor për zgjedhjet e 25 prillit. Sipas tij, komisioni ka hyrë në fazën më interesante, ndërsa shtoi se hetimi ka një rëndësi për Kuvendin.
“Komisioni ka hyrë në fazën më interesante dhe mund të fillojmë nga puna sa më parë. Kishte tentativë për bllokim por u superua nga komisioni sepse këta kanë një rëndësi për kuvendin pasi hetojnë çdo cenim për procesin zgjedhor që është shtylla e demokracisë në vend dhe për këtë arsyer jemi aty se vullneti i zgjedhësve të mos cenohet. Por pretendimet të shqyrtohen me kujdesin më të madh”, tha ai.
Ndërsa i pyetur pse është kaq shumë e domosdoshme thirrja si dëshmitarë të Bardhit, Vokshit, Mziut dhe të tjerëve, Gogu sqaroi se është detyrim ligjor të thirret kushdo që ka informacione dhe ti vërë ato në dispozicion të komisionit.
“Është e rëndësishme sepse Bardhi ka ofruar veten se ka informacione që do ta ndajë në dispozicion të komisionit. Dhe është detyrim ligjor thirrja e të gjithë atyre që kanë informacion dhe këta persona kanë dijeni për veprimtarinë e një strukture që PD e ka ngritur dhe pretendojnë se kanë mbrojtur votën kështu që ata janë të detyruar që informacionet që kanë t’ia vënë në dispozicion komisionit”, tha ai, duke shtuar se do i thirrur duhet të bëjë detyrën e tij dhe të paraqitet për të dëshmuar.
Discussion about this post