E tashmja është çdo ditë e më e bardhë për Kylian Mbappé, ndonëse ka ende shumë “faqe për të lexuar” të këtij “romani”, me protagonist super yllin francez.
Nga Katari po i bëjnë presion futbollistit të lindur në Bondy që të pranojë transferimin, pasi nuk duan ta lënë të shkojë falas verën e ardhshme në Santiago Bernabéu.
Shumë po flitet dhe do të thuhet në ditët në vijim për Kylian Mbappé, ndërsa Florentino Pérez vazhdon të luajë këtë lojë pokeri.
Kapiteni i Francës duhet të pranojë transferimin, diçka që tashmë i është rekomanduar nga enturazhi i tij, me në krye me nënën e tij.
Fayza Lamari është e vetëdijshme se do t’ua bëjnë të pamundur jetën nëse do të qëndrojnë edhe një vit në Paris, prandaj po bën gjithçka nga ana e saj për tu transferuar që këtë verë.
Nëna e Mbappe nuk dëshiron të presë edhe një vit tjetër, me presion të të gjitha llojeve, situatave të pakëndshme dhe me ndjenjën e të luajturit për një klub që mendon ta lërë në stol, prej faktit se do largohet, me shumë gjasa, me parametër 0.
Lamari po e bën djalin e saj të shohë se lëvizja drejt Madridit, këtë verë është zgjedhja më e mirë dhe lojtari e ka të qartë këtë.
Natyrisht, një gjë është ajo që thuhet në nivel publik dhe një tjetër në privat, ndërsa para mikrofonave të mediave apo në rrjetet sociale, parizieni po shpreh vullnetin për të përmbushur edhe vitin e mbetur të kontratës.
Discussion about this post