Kombëtarja shqiptare e futbollit renditet në vendin e 65 në FIFA. Dy fitoret e qershorit për kualifikueset e EURO 2024 kundër Moldavisë dhe Ishujve Faroe, kanë bërë që kuqezinjtë të ngjiten tre vende më sipër nga FIFA.
Nëse në renditjen e prillit tanët ishin të 68-tët, sot mbajnë vendin e 65-të. Pozicioni më i lartë që kuqezinjtë kanë mbajtur ka qenë vendi i 22-të në vitin 2015, teksa më i ulëti ka qenë pozicioni i 124.
Kuqezinjtë grumbulluan 1357.39 pikë në renditjen e UEFA, duke lënë pas skuadra si Islanda, Maqedonia e Veriut, Mali i Zi, Bullgaria dhe Izraeli.
Kosova ka humbur një pozicion, duke mbajtur vendin e 108-të.
Në krye të renditjes botërore të skuadrave vijon të jetë Argjentina, me kampionët e botës që lënë pas Francën, Brazilin, Anglinë, Belgjikën, Kroacinë, Holandën, Italinë, Portugalinë dhe Spanjën. Surprizon SHBA që mban vendin e 11-të në renditjen e FIFA-s.
Discussion about this post