Veliaj thur gardhin e korrupsionit me drutë që i pret miku i tij Eral Myftaraj. Më prill 2023 biznesmeni Eral Mytaraj pati një përplasje me biznesmenin Shaqir Alcani për një tender. Bëhej fjalë për prokurimin për blerjen e lëndëve djegëse dhe shpërndarje në objektet arsimore, të zhvilluar nga Bashkia Tiranë.
Pas kësaj ngjarje nuk pati asnjë reagim nga Bashkia Tiranë, duke qenë se përplasje dhe afera të tilla bëhen rëndom në tenderët e zhvilluar nga Erion Veliaj. Gjithçka mbeti në denoncimin e Myftarajt dhe shoqërimin e Alcanit.
Ndërkohë Veliaj i ka dhënë një tjetër tender Myftarajt. Bëhet fjalë për prokurimin me objekt “Prodhim i lendes drusore”. Më saktë bëhet fjalë për prerjen e pemëve për të siguruar dru për zjarr, por edhe për ndërtimin e veglave të punës.
Së pari theksojmë se firma “AL-MEXWOOD” Shpk e Eral Myftaraj e ka përfituar tenderin pa garë, sepse ka qenë e vetmja që ka paraqitur një ofertë. Oferta e tij është e shtrenjtë dhe ligji kërkon që në këto raste tenderi të anulohet, por kurrsesi Veliaj nuk mund t’a ndërpriste “biznesin” me Myftarajn.
Më tutje në dokumentet e tenderit shohim se do të shfrytëzohen për të marrë dru në zonat pyjore Fag, Baldushk dhe Rove-Lunxh. Kujtojmë se në një vendim të mëparshëm, Bashkia Tiranë i kaloi në pronësi të saj këto pasuri dhe premtoi se do të zhvillonte planin në mbarështimin dhe përmirësimin e pyjeve.
Konkretisht, në zonën pyjore Fag do të priten 5, 523 metër kub dru, në zonën e Rove-Lunxh, Bashkia Tiranë do të presë 1,179 metër kub dru dhe në Baldushk do të bëhen 1, 329 metër kub dru.
Dhe e gjithë kjo lëndë drusore do të përdoret për “ngrohjen” që po e siguron Agjencia e Parqeve, e cila në vend të kujdeset për pyjet, po i shkatërron ato. Ndërkohë, vërejmë se prerje të druve në këtë masë Veliaj bën çdo vit. Në vitin që lamë pas ai ka paguar të njëjtën vlerë për të prerë pyjet në këto zona.
Kujtojmë se qysh nga viti 2016 ka hyrë në fuqi ligji për moratoriumin e pyjeve që ndalon prerjet e pemëve. Por Lali Eri me djallëzi shfrytëzon një nen që përjashton rastin kur këto dru duhen për ngrohjen e banorëve në dimër. Për ta ndihmuar KLSH-në dhe SPAK-un, informojmë se në Bashkinë Tiranë nuk ka asnjë shkollë apo institucion që përdor dru për ngrohje.
Lexo edhe: Veliaj i fal 200 milionë lekë Sokol Kryeziut për të zbrazur koshat dekorativë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post