Një serb është arrestuar sot në mesditë në veri të Mitrovicës pasi në makinën e tij është gjetur një revole “Ceverna Zastava” si dhe një karikator i zbrazët.
Lajmin e ka konfirmuar zëdhënësi i Policisë së Kosovës për rajonin e veriut të Mitrovicës, Veton Elshani.
Sipas tij, policia kishte informacion se targat e vendosura të Novi Pazarit në këtë makinë ishin të falsifikuara, si dhe gjatë gjatë kontrollit është gjetur revolja me një karikator të zbrazur.
“Sot rreth orës 12:30 në veturën Llada Niva e cila kishte të vendosur targa të Novi Pazarit, nën ulësen e shoferit është gjetur një revole ‘Ceverna Zastava’ me një karikator pa municion, e cila është konfiskuar nga Forenzika Regjionale. I dyshimti është intervistuar.
Kemi pasur informacion që targat që kanë qenë vendosur në këtë veturë nuk kanë qenë të tij dhe e kemi verifikuar veturën. Duke e kontrolluar na ka dalë arma dhe e kemi marrë personin për armëmbajtje pa leje, i cili më pas është liruar në procedurë të rregullt”, ka thënë Elshani.
Discussion about this post