Harry Kane është objektivi kryesor i Bayern Munich në këtë merkato duke qenë se bavarezët ende po vuajnë mungesën e golave që pas largimit të Robert Leëandoëskit. Duket se edhe vetë sulmuesi i kombëtares së Anglisë e dëshiron një aventurë në një skuadër të re teksa në garë është edhe Manchester United.
Por, për ish-trajnerin e Tottenham, Harry Redknapp pavarësisht zërave të merkatos, në fundin e saj, Kane do të qëndrojë sërish në Londër tek “Spurs” pasi nuk do ta dërgonte familjen e tij për të jetuar në Gjermani, ndërsa në Angli, Chelsea dhe Manchester United nuk i garantojnë fitimin e trofeve.
“Mendoj se Kane nuk do të shkojë në Gjermani te Bayern Munich, nuk do ta dërgoj familjen e tij atje. Mendoj se edhe në fundin e kësaj merkatoje, Kane sërish do të qëndroj te Tottenham. Kjo pasi as Manchester United dhe as Chelsea nuk i garantojnë trofe.
E vetmja skuadër që garanton trofe dhe sukses është Manchester City, por aty është Erling Haaland dhe nuk ka vend për Kane. Ndaj, në fund, ai do të qëndroj sërish te Tottenham pavarësisht se tashmë është vendosur në qendër të merkatos”, u shpreh Redknapp.
Discussion about this post