Ish-futbollisti i Partizanit, Endri Vrapi ka komentuar situatën tek Partizani. Ai ka dhënë sygjerimin e tij për trajnerin Ilir Daja dhe kërkon nga lojtarët të marrin përgjegjësitë.
“Partizanin e kam ndjekur kur kam pasur mundësi. Mendoj se për këtë ecuri jo të mirë duhet të marrin përgjegjësi edhe lojtarët. Ndoshta vërtet trajneri kritikohet dhe merr “barrën” kur rezultatet nuk vijnë, por edhe lojtarët duhet të mbajnë peshën e tyre në këtë situatë.
Mendoj se ky është vetëm një ngërç i momentit për Partizanin. Ajo skuadër ka shumë më shumë për të dhënë. E kanë potencialin e duhur dhe duhet të shkojnë më lart. Nga ana tjetër, fakti që kanë shumë barazime, do të thotë se duhet të shfrytëzojnë më mirë momentet në fazën e sulmit.
Sa i përket trajnerit Daja, ai ka filozofinë e tij dhe e di më së miri çfarë dëshiron të bëjë. Mendimi im personal është që duhet të fiksohet tek eksperienca, sepse për momentin duhet të grumbullohen pikët dhe me ardhjen e tyre kthehet edhe loja e bukur”, tha Vrapi.
Discussion about this post