Virozat e Stinës dhe koronavirusi kanë rritur numrin e fëmijëve që shtrohen në urgjencë. Në lidhje më këtë çështje ka folur sot Shefja e shërbimit të Pediatrisë së Përgjithshme, Numila Kuneshka, e cila tha se situata është e përballueshme vetëm me 20 shtrime në ditë, por këtë javë janë paraqitur 300 urgjenca brenda 24 orësh në pediatri.
Sipas saj, fluksi më i madh vjen nga rrethet, prandaj ajo iu bën thirrje mjekëve në zona të tjera që të mundohen t’i trajtojnë atje fëmijët dhe jo t’i nisin menjëherë në Tiranë, pasi situata do dalë jashtë kontrolli. “Të paktën në bilancin e dy-tre ditëve të fundit numri i shtrimeve në ditë ka qenë nga 15-20 shtrime në 24 orë. Deri në këtë moment situata është e përballueshme por një apel për mjekët e rretheve që rastet që mund të trajtohen atje të mos i dërgojnë për të mbingarkuar fluksin si në urgjencën e pediatrisë ashtu dhe në spitalin dhe pavionet e tjera të pediatrisë”, shprehet Kuneshka.
Ajo tregoi se më i lartë fluksi është gjatë orëve të natës, duke thënë se pjesa më e madhe janë nga virozat e stinës dhe të pakta janë rastet e fëmijëve me COVID. Sipas saj, nga 20 shtrime në ditë vetëm 1 apo dy fëmijë rezultojnë të prekur nga virusi.
Discussion about this post