Fundi i një epoke. Ka përfunduar bashkëpunimi i Juan Cuadrado me Juventusin. Kontrata e futbollistit kolumbian ka përfunduar dhe nuk do të rinovohet, duke bërë që “Panita” të jetë tashmë, një lojtar i lirë.
‘Bardhezinjtë’ e Torinos i kanë thënë lamtumirë atij dhe kontributit të tij gjatë gjithë këtyre viteve.
‘Zonja e Vjetër’ e mori futbollistin kolumbian për dy vite radhazi (2015-16) si huazim nga Chelsea dhe më në fund e bëri të sajin në 2017, për 20 milionë euro.
Në këtë periudhë tetëvjeçare ai bëri 314 ndeshje, ku shënoi 26 gola dhe 65 asistime, që u kurorëzuan me fitimin pesë kampionateve italiane, katër Kupave të Italisë dhe dy Superkupave të Italisë, si dhe një finale të Champions, të humbur përballë Realit të Madridit.
Discussion about this post