Përfundon rinumërimi i 18 kutive të votave për Bashkinë e Kuçovës, ndërsa fitues ka rezultuar sërisht Kreshnik Hajdari, kandidati i Partisë Socialiste.
Kutitë u rinumëruan në Kolegjin Zgjedhor, ndërsa nuk pati përmbysje rezultati.
Kreshnik Hajdari rezultoi sërish fitues me 6901 vota, përballë kandidatit të “Bashkë Fitojmë” Lefter Maliqi, i cili mori 6224 vota. Gjatë rinumërimit Hajdarit iu hoqën 9 vota, ndërsa Maliqit 4 vota.
Procesi i rinumërimit të 18 kutive nisi me debate dhe replika të forta mes kandidatit Maliqi dhe Sekretarit të KQZ-së.
Maliqi ka ngritur pretendime dhe akuza që procesi zgjedhor më 14 maj në Bashkinë e Kuçovës ka qenë i manipuluar.
Ai deklaroi se para këtyre 18 kutive ai ishte 100 vota para fitues, ndërkohë që kanë qenë të pambuluara nga kamerat e sigurisë dhe dyshohet se është ndërhyrë në këto kuti.
Discussion about this post