Të dehur në timon, 3 shoferë arrestohen në Tiranë

Tre persona që drejtonin makinën në gjendje të dehur janë arrestuar sot në Tiranë nga policia.

Blutë bëjnë me dije se në pranga ka rënë shtetasi, A.H banues në Vorë, shtetasi J.S dhe S.Ll, banues në Tiranë.

“Specialistët e Qarkullimit Rrugor arrestuan shtetasit: – A. H., 57 vjeç, banues në Vorë, pasi u kap duke drejtuar në gjendje të dehur, mjetin tip “Opel”; – J. S., 30 vjeçe, banuese në Tiranë, pasi duke drejtuar automjetin në gjendje të dehur, është përplasur me një automjet tjetër dhe si pasojë ka vetëm dëme materiale; – S. Ll., 35 vjeç, banues në Tiranë, pasi është kapur duke drejtuar automjetin në gjendje të dehur dhe me qëllim shmangien e masës administrative, ka tentuar të korruptojë punonjësin e Policisë, duke i ofruar një shumë parash”,- njofton policia.

Materialet i kaluan Prokurorisë, për veprime të mëtejshme procedurale.