Skuadra e Lacios ka fituar me shifrat 3-0 ndaj Lokomotivës së Moskës në sfidën e vlefshme për Europa League. Ciro Imobile ishte heroi i ndeshjes për italianët teksa fitoren e vulosi Pedro me një supergol. Në këtë ndeshje luajtën nga minuta e parë Elseid Hysaj dhe Strakosha teksa Muriqi u inkuadrua në fushë në pjesën e dytë.
Me këtë sukses Lacio siguroi kualifikimin në turin tjetër. Në sfidat e tjera Bajern Leverkusen përmbysi Sëlltikun, Uest Hami fitoi ndaj Rapidit të Vjenës ndërsa Galatarasai mundi 4-2 Marsejën.
Në Konferencë Ligë, skuadra e Tottenhamit pësoi një humbje befasuese ndaj Mura me shifrat 2-1 teksa luajtën për shumë minuta me një lojtarë më pak. Me këtë disfatë Tottenham rrezikon pjesëmarrjen në fazën tjetër të këtij kompeticioni.
Discussion about this post