Vendimi për “non grata”, Basha: Berisha ma ka thënë, para vetes nuk vë as PD-n, as demokratët

I ftuar në Open, kryedemokrati Lulzim Basha ka treguar bisedën që ka bërë me liderin historik, Sali Berisha, për vendimin e mpërjashtimit.

Basha është shprehur se i ka thënë në sy që para vetes nuk vë as PD-n as demokratët.

“E kam kalkuluar shumë mirë dhe Sali Berisha e di fare mirë, sepse ma ka thënë në sy dhe ia kam thënë në sy me dhjetëra herë gjatë këtyre 3 muajve. Më ka thënë në sy që para vetes nuk vë as PD-n as demokratët. Dhe i kam thënë në sy që unë do marrë vendimet e mia, si kryetar i Partisë Demokratike. Më takon mua, siç do të takonte ty nëse do të ishe kryetar i Partisë Demokratike. Dhe përgjigjja ka qenë, ti merr vendimet e tua, unë marrë vendimet e mia” – është shprehur Basha.