Ditën e sotme Fifi vendosi të largohej nga shtëpia e “Big Brother” për shkak të gjendjes jo të mirë shëndetësore. Të gjithë banorët u mërzitën shumë dhe e kanë përcjellë këngëtaren mes lotësh. Më pas të gjithë ata kanë komentuar ikjen e saj. Në një bisedë me Ilirin ,Meridiani është shprehur se kësaj shtëpie do i mungojë një finaliste.
“Për mua këtij edicioni do ti mungoj një person shumë i rëndësishëm, një finaliste”, tha ai. “Gjithashtu dhe për mua. Nuk do t’i mungojë vetëm 1 por 2, sepse dhe Kleidin e shihja finalist për atë mënyrën sistematike që e kishte jetën e vet dhe shumë njerëzve do ti pëlqente kjo gjë”, u shpreh Iliri.
Monika ishte banorja që u mërzit më shumë për këtë vendim të këngëtares. Ajo tha se u prek nga ikja e Fifit, për shkak se nuk mbajti dot premtimin që i dha, pa folur më saktësisht se për çfarë bëhet fjalë. “Mu duk sikur i bëra një betim dhe nuk e mbajta dot. Sikur nuk kisha forcë dhe mua s’më pëlqen të dorëzohem se e di që jam një femër e fortë”, tha aktorja e përlotur. Shpresojmë që gjendja e Fifit te jetë sa më e mirë pas largimit të saj nga shtëpia e “Big Brother” dhe presim ta shohim sa më parë në skenë më këngët e saj të reja, dy prej të cilave i kompozoi brenda shtëpisë.
Discussion about this post