Kryeministri Rama ka kujtuar sot në rrjetin social facebook , tragjedinë e madhe që goditi shqiptarët më 26 nëntor 2019. Tërmeti fatal 6.2 ballë, i cili shkaktoi vdekjen e 51 qytetarëve dhe dhjetëra familje ngelën në qiell të hapur, pasi banesat e tyre u shembën.
Ndërkohë, që dy vite pas tërmetit akoma rindërtimi nuk ka përfunduar, shefi i qeverisë vijon me shown e tij në Facebook, ku ka shpërndarë pamjet nga fatkeqësia që la në dhimbje familjet shqiptare. Rama e cilëson tragjedinë si sprovë jo vetëm për popullin por dhe për njerëzit e shtetin.
Ndërkohë, që kryeministri e cilëson këtë, ai nuk arriti të mbaj premtimin që i bëri qytetarëve të prekur nga kjo tragjedi “shumica e qytetarëve do të kishin shtëpitë e tyre Brenda dhjetorit, por kjo nuk ka ndodhur”. Vitet kanë kaluar me shumë vështirësi dhe sakrifica, por me vite mjaft të vështira kanë qenë për familjet që jetojnë jashtë në çadra, për mijëra familjet që nuk kanë akoma një shtëpi të tyre, për ata që jetojnë me qera dhe për ata që jetojnë në shtëpitë e dëmtuara nga tërmeti pasi bonusi i qerasë nuk i mjaftueshëm për këta të fundit.
“MIRËMËNGJES Tragjeditë sprovojnë njerëzit, popujt, shtetet dhe dy vjet nga fatkeqësia marramendëse e tërmetit, duke kujtuar humbjet, plagët, dhimbjet e duke parë çka mundëm të bëjmë deri këtu, mund të themi pa ndroje se sot jemi ngritur më të fortë e po ashtu mund të marrim frymë të lehtësuar, për faktin se mijëra familje të goditura prej asaj fatkeqësie sot janë më mirë se sa përpara goditjes prej saj Kujtoj me dhimbje familjet që humbën njerëz të dashur dhe mbetem mirënjohës pa fund për të gjithë ata që dhanë ndihmën e parë, që u solidarizuan nga të katër anët e vendit dhe të botës me të goditurit nga fatkeqësia, që punuan e punojnë pa pushim për të kthyer deri familjen e fundit në shtëpi më të mirë, më të fortë, më të bukur”– shkruan Rama në rrjetin social Facebook.
Pavarësisht se hera-herës Rama u justifikua me pandeminë, pandemia nuk është një justifikim. Sektori privat nuk e ndërpreu punën për asnjë moment. Kullat në Tiranë u ngritën, vetëm mijëra familjeve nuk janë ndërtuar akoma banesat e tyre, të cilat iu premtuan.
Discussion about this post