Dy persona të shpallur në kërkim janë vënë në pranga nga policia e Vlorës. Të arrestuar rezultojnë se janë shtetasi me inicialet S. S., 34 vjeç, banues në fshatin Armen në Vlorë. Arrestimi i tij u bë pas caktimit të masës së sigurisë “Arrëst në burg”, nga Gjykata e Apelit Vlorë, për veprën penale “Armëmbajtja pa leje”.
Gjithashtu, ky shtetas dyshohet se ka tentuar të marrë me forcë shtetasin A.S në automjet. Ngjarja dyshohet se ka ndodhur në bashkëpunim me shtetasin S. J, në datën 03.11.2021.
Shtetasi tjetër i vënë në pranga është me inicialet V. N., 49 vjeç, pasi akuzohet se ka kryer gërmime në një sipërfaqe të konsiderueshme toke, pa lejen e organeve kompetente, në lagjen “4 Heronjtë”, në vendin e quajtur “Bregu i Orizit”. I arrestuari mësohet se është pronar i një subjekti, teksa mbi të rëndojnë veprat penale “Ndërtimi i paligjshëm”, “Pushtimi i tokës” dhe “Menaxhimi i mbetjeve”.
Discussion about this post