Malajzia ka hequr dënimin me vdekje për një sërë krimesh. Ligji përkatës është publikuar më 30 qershor në Gazetën e Qeverisë, i nënshkruar nga ministrja e Drejtësisë Azalina Othman Said, por ka hyrë në fuqi sot (4 korrik).
Reforma ka të bëjë, ndër të tjera, me krimet e tradhtisë së lartë, vrasjeve, rrëmbimeve dhe trafikut të drogës. Deri më sot, gjyqtarët ishin të detyruar të shqiptonin dënimin me vdekje për të dënuarit për krime të tilla.
Sipas ligjit të ri, në vend të dënimit me vdekje u takon gjyqtarëve të shqiptojnë dënime me shumë vite burg (p.sh. 30-40 vjet).
Malajzia vendosi një moratorium mbi ekzekutimet në vitin 2018, por ndërsa ligji që parashikonte dënimin e detyrueshëm me vdekje për krime të caktuara mbeti në fuqi, gjyqtarët vazhduan të dënonin kriminelët “me vdekje” edhe pse vendi ekzekutoi për herë të fundit një të dënuar me vdekje në 2017.
Discussion about this post