Përgjatë përleshjeve në Francë, një person ka mbetur i vdekur nga një plumb i tipit “flash-ball” i përdorur nga policia në Marsejë.
Në Francë, një 27-vjeçar vdiq natën midis së shtunës dhe të dielës në Marsejë nga “goditja e dhunshme në gjoks e shkaktuar nga një predhë e tipit flash-top”, e bërë prej gome dhe teorikisht jo vdekjeprurëse, e përdorur nga policia.
Kështu ka bërë të ditur prokurori i Marsejës. I njëjti prokuror saktësoi se “atë natë në zonë janë regjistruar trazira dhe plaçkitje, edhe nëse nuk është e mundur të përcaktohet nëse viktima ka marrë pjesë apo vetëm ka qarkulluar në afërsi”. Është hapur një hetim për këtë.
Marseja, qyteti i dytë i Francës, ishte skena e përleshjeve të rënda midis policisë dhe grupeve të protestuesve të rinj, si dhe plaçkitje, gjatë fundjavës. Një dislokim shumë mbresëlënës i policisë u vendos në natën midis së shtunës dhe të dielës, pasi
në atë të mëparshme kishin ndodhur përleshje shumë të dhunshme.
Në gjashtë ditë në Francë u arrestuan 3625 persona, 1124 prej të cilëve të mitur.
Ky është vlerësimi provizor i trazirave pas vrasjes së 17-vjeçarit Nahel në Nanterre gjatë një kontrolli policor.
Nga këta 990 persona janë dërguar në gjykatë dhe 380 janë burgosur.
Discussion about this post