Presidentja e Komisionit Europian, Ursula von der Leyen ka zhvilluar një takim me kryeministren serbe Ana Bërnabiç.
Në përfundim të këtij takimi, Von der Leyen ka thënë se në fokus të bisedimeve është normalizimi i marrëdhënieve ndërmjet Kosovës dhe Serbisë, për të cilën shtoi se është i domosdoshëm.
“U zhvillua një takim i mirë. Komisioni Europian mbështet përpjekjet e Serbisë për anëtarësimin në BE. Plani ynë i ri do të ndihmojë në përshpejtimin e reformave, në rritjen e investimeve të BE-së dhe do t’u sjellë më pranë tregut të përbashkët”, ka shkruar presidentja e KE-së në postimin e saj të publikuar në “Twitter.”
Kryeministrja e Serbisë, Ana Bërnabiç deklaroi në Bruksel se ‘topi është në fushën e Prishtinës’ kur bëhet fjalë për kthimin në dialog.
“Kjo është arsyeja pse Lajçak po vjen në Beograd dhe presidenti Vuçiç e diskutoi këtë me kryeministrat Rutte dhe Bethel. Folëm për këtë dhe ende nuk kemi asgjë, asnjë afat kohor apo saktësisht se çfarë duhet bërë, por sigurisht që topi është në fushën e Prishtinës”, u shpreh ajo.
Discussion about this post