Kryeministri Edi Rama gjatë daljes për mediat para ambienteve të Kryeministrisë, pas mbledhjes së Qeverisë, nuk ka preferuar të komentojë refuzimin e Albin Kurtit për ta takuar, gjatë vizitës së tij ditën e nesërme në Kosovë.
I pyetur nga gazetarët në lidhje me refuzimin e Kurtit për t’u takuar, Rama u shpreh se do të flas nesër në Prishtinë.
Kryeministri Kurti refuzoi të takohet me kryeministrin Rama, i cili anuloi mbledhjen e dy qeverive në qershor.
Kryeministri Edi Rama do ta vizitojë Prishtinën, në kuadër të një turi ballkanik, që ai do ta nisë, siç ka thënë, për përgatitjet e një Samiti që do të mbahet në kuadër të Procesin e Berlinit, në Tiranë.
Sipas Albin Kurti, Rama mund të takohet me të, vetëm në një mbledhje të qeverive, të cilën e anuloi një muaj më parë, për shkak të qasjes së Kurtit ndaj kërkesave të ndërkombëtarëve për veriun.
Discussion about this post