Gjergj Hani dhe Lulzim Basha garojnë ballë për ballë për kreun e PD-së së vulës. E ndërsa Basha jep njoftime përmes rrjeteve sociale për takimet që zhvillon, Gjergj Hani shprehet se gara është e pabarabartë.
“Nuk kam asnjë lloj mbështetje për sa i përket platformës sime. Absolutisht asnjë lloj përkrahje, as morale. Të bësh takime nëpër rrethe do mundësi financiare të cilat unë nuk i kam. Kjo është një përballje krejtësisht e pabarabartë”, shprehet kandidati Gjergj Hani për Tch.
I vetëdijshëm për kushtet në të cilat po zhvillohet gara, Gjergj Hani nuk ka besimin që më 29 korrik do të rrëmbejë fitoren.
“Aty është bërë lufta të gjithë kundra të gjithëve. E them pa pikën e mëdyshjes që nëse PD sic ka gjasa të ndodhë, të bjerë sërish në duart e zotit Basha, në vitin 2025 ajo parti shkon drejtë shuarjes”, shprehet ai.
Megjithatë, rivali i Bashës shfaqet i palëkundur për t’u dorëhequr nga procesi pavarësisht pakënaqësive.
“Nuk tërhiqem nga rruga për shkakun e pabarazisë se unë e denoncojë në cdo dalje dhe unë nuk dua të shikojë më një parti demokratike në këtë gjendje, nuk ka apsolutisht asnjë lloj demokracike dhe në një formë të tillë ajo është një imitim i shëmtuar i PS dhe nuk mund të bëhet dot alternative pushteti.” shprehet ai.
Discussion about this post