Shtatë persona u vranë në një sulm me raketa ruse që nisi të enjten në Lviv, në Ukrainën perëndimore, dhe goditi një ndërtesë apartamentesh katërkatëshe.
Çatia dhe kati i sipërm i ndërtesës janë shkatërruar në “sulmin më të keq ndaj infrastrukturës civile të Lviv që nga fillimi i luftës”, tha Andrii Sandovii, kryebashkiak i qytetit larg vijës së frontit dhe 70 kilometra nga Polonia.
Ai shpalli dy ditë zie në nderim të viktimave. “Ne me siguri do t’i japim përgjigje armikut. “E fortë (përgjigje)”, tha dje presidenti ukrainas Zelensky në Telegram .
Guvernatori i qarkut Maksim Kozytsky tha se dy trupa u nxorrën nga rrënojat e ndërtesës mbrëmë vonë. Mes të vdekurve është një grua 32-vjeçare dhe nëna e saj 60-vjeçare. Gjithashtu, shërbimi i reagimit emergjent bëri të ditur se të lënduarit kanë arritur në 36, ndërsa shtatë persona janë nxjerrë të gjallë nga rrënojat.
Forcat ajrore të Ukrainës thanë se Rusia sulmoi Lviv me raketa Kalibr, të cilat u lëshuan nga Deti i Zi, duke shtuar se shtatë nga dhjetë raketa u rrëzuan.
Moska pretendon se nuk po synon civilët. Ministria ruse e Mbrojtjes njoftoi se gjatë natës së të mërkurës deri të enjten nisi sulme ndaj bazave dhe magazinës ukrainase të automjeteve të blinduara të importuara me “armë me precizion të lartë”.
Rreth 700,000 njerëz jetonin në Lviv para pushtimit rus të Ukrainës. Që atëherë, popullsia e qytetit është rritur pasi shumë ukrainas janë strehuar atje nga rajone të tjera të vendit, kryesisht në jug dhe në lindje.
Sandovii tha se sulmi rus dëmtoi 35 shtëpi, një ndërtesë zyre, një konvikt studentësh, një shkollë dhe 50 automjete.
Nga ana e tij, shefi i shtabit të Zelensky, Andriy Yermak, u kërkoi aleatëve të Ukrainës më shumë sisteme mbrojtëse dhe bëri thirrje që vendi të anëtarësohet në NATO .
Discussion about this post