Në dy vjetorin e tragjedisë së 26 nëntorit kryetari i Partisë Demokratike, Lulzim Basha ka qenë sot një familje të prekur dhe të dëmtuar nga tërmeti shkatërrues.
Kryedemokrati akuzoi qeverinë se i ka çuar paratë në shpenzime luksi dhe jo për nevojat e qytetarëve.
“Kjo është një familje simbolike sa i takon harresës dhe braktisjes dy vjet pas 26 nëntorit. Ka kaluar dy vjet e kjo plagë s’është lehtësuar por është bërë më e rëndë nga braktisja, njerëzit u lanë në mëshirë të fatit, një pjesë e madhe janë akoma në çadra po hyjnë në dimrin e tretë në çadra, fatkeqësia nuk i ndau njerëzit në të majtë e të djathtë por qeveria i ndau.
Sot nuk do mburrej me ndihmën bujare të donatorëve, por do kishte anuluar çdo shpenzim tjetër në veçanti shpenzimet e luksit dhe koncesioneve dhe PPP për t’i ardhur në ndihmë familjeve në nevojë” – është shprehur Basha.
Basha është zotuar se për të sjellë një orë e më parë një ndryshim në Shqipëri, gjithë ca kanë ndodhur e kanë qenë jashtë kontrollit të njeriut janë vetëm gjysma tjetër e tragjedisë që ka zgjatur për dy vite me radhë.
“Ky është momenti të bëj dhe një herë zotimin tim për të sjellë një orë e më parë një ndryshim në Shqipëri, gjithë ca kanë ndodhur e kanë qenë jashtë kontrollit të njeriut janë vetëm gjysma e tragjedisë gjysma tjetër e tragjedisë që ka zgjatur për dy vite me radhë është çnjerëzore, është harresa braktisja shpërdorimi kriminal i pushtetit dhe fondeve të pushtetit që kishte qëllim t’ju mbanin të lidhur pas vetes e t’ju përdornin si mish për top në masakrën zgjedhore të 25 prillit.
Jam këtu për tu zotuar që familja jonë politike PD është e vendosur ta çojë deri në fund kauzën e dëmshpërblimit të drejtë për të githë dëmet materiale që kanë pësuar mijëra familje nga tërmeti e për të vënë para përgjegjësisë ata njerëz të cilëve ju rëndojnë jetët e banorëve të dy pallateve në Thumanë të shohin ditën e tyre para ligjit.
Kemi vazhduar të qëndrojmë pranë jush pa asnjë kalkulim politik apo elektoral do qëndrojmë pranë jush derisa çdo problem i shkaktuar jo thjesht nga tërmeti por i rënduar nga keqqeverisja të marrë rrugë” – tha Basha.
Discussion about this post