Kryeministri Edi Rama, pasi përfundoi turin ballkanik në një tentativë për të rikthyer vëmendjen te procesi i Berlinit, këtë të shtunë ka postuar në rrjet njoftimin se në 20 korrik, do të japë concert në Tiranë, Ricky Martin.
“Ricky Martin më 20 korrik në sheshin “Skënderbej””, shkruan Rama në rrjetin social.
Ndoshta Kryeministri po mendon të pastrojë disi imazhin që të afërmit e deputetit socialist Rrahman Rraja ia prishën me aktet e dhunës ndaj dy qytetarëve, që protestuan për dëmtimet në banesat e tyre nga shpërthimet në guroren e fisit Rraja.
Dhe natyrisht si në çdo rast tjetër, edhe në episodin e fundit të dhunës, dhunuesit sigurisht kanë vepruar pas kurrizit të Kryeministrit, duke dëmtuar imazhin e Qeverisë, e cila “kujdeset” në mënyrë të veccantë për të mirën e qytetarëve.
Ngjarja e cila tronditi opinionin, jo thjesht me dhunën barbare ndaj dy qytetarëve, që u sulmuan ditën për diell nga të paktën 10 persona, por edhe për faktin se dhunuesit xhironin skenat e dhunës për të treguar forcën e tyre, natyrisht që nuk mund të tërheqë vëmendjen e një Kryeministri që shfaqet herë si lider i Ballkanit përmes “Open Balkan” dhe herë si lider europian përmes proceseve të tjera.
Ndoshta reagimin për atë që ndodhi në Borizanë dy ditë më parë, Rama mund t’ia delegojë kreut të Grupit Parlamentar socialist.
Discussion about this post