Në ditën e 500-të të luftës, presidenti ukrainas Volodymyr Zelensky udhëtoi për në ishullin e gjarpërinjve ku vendosi lule për ushtarët e rënë.
“Ishulli i lirë i Ukrainës së lirë. Unë jam mirënjohës për të gjithë ata që luftuan këtu kundër pushtuesit. Ne përkujtuam heronjtë që dhanë jetën në këtë betejë, një nga më të rëndësishmet e luftës. Lavdi dhe nder të gjithë atyre që luftuan”, tha presidenti ukrainas.
Një video tregon Zelensky-n duke mbërritur me varkë, i shoqëruar nga kreu i zyrës presidenciale Andriy Yermak.
Pas ndalimit në Pragë dhe Bratislavë, presidenti ukrainas Zelensky takoi presidentin turk Erdogan në Stamboll
“Negociata shumë të rëndësishme”, u shpreh Zelensky.
Presidenti turk, i cili shpreson për zgjatjen e marrëveshjes së grurit, njofton vizitën e Putinit në gusht dhe thotë: ” Kiev e meriton hyrjen në NATO. Rusia dhe Ukraina duhet të kthehen në negociata”.
Ndërkohë Organizata e Kombeve të Bashkuara ka konfirmuar se 9 mijë civilë ukrainas të vdekur që nga pushtimi rus, 500 janë të mitur.
Discussion about this post