Adnard Mehmeti është shqetësimi i radhës për trajnerin Zoran Zekiç sa u përket dëmtimeve.
Gazeta mëson se mesfushori i ardhur nga Erzeni ka pësuar një dëmtim në kavilje dhe vë në rrezik të madh ndeshjen e pas tri ditëve. I riu ditën e djeshme ishte i pranishëm në stërvitje, por në asnjë moment nuk u stërvit me grupin.
Ai u angazhua vetëm më vrapime rreth fushës, çka tregon se situata e tij nuk është edhe aq e lehtë për t’u kaluar në harkun e vetëm tri ditëve.
Humbja e mesfushorit ndaj BATE-s, do të ishte një goditje e fortë për trajnerin Zekiç, i cili pasi e ka parë, e ka kërkuar me këmbëngulje që klubi ta afrojë Mehmetin. Partizani shpenzoi 100 mijë euro për të blerë mesfushorin nga Erzeni./PanoramaSport
Discussion about this post