Së fundmi fotot e Johnny Depp, ku shihet duke përdorur patericat dhe të veshur me një çizme mjekësore në kyçin e këmbës, kanë shkaktuar mjaft diksutime dhe shqetësim të gjerë në rrjetet sociale në lidhje me gjendjen e tij shëndetësore. Aktori dhe muzikanti i njohur është kapur në këto foto teksa po dilte nga një hotel në Mançester.
Një shpjegim zyrtar i dhënë nga rrethi i ngushtë shoqëror i Johnny Depp thotë se ai aktualisht është duke u rikuperuar nga një dëmtim në kyçin e këmbës së majtë. Gjithçka ndodhi teksa Depp ishte në turne me grupin e tij, Hollywood Vampires, të cilin e formoi në vitin 2015 me këngëtaren Alice Cooper dhe kitaristin Joe Perry. Repertori muzikor i grupit i bën nder muzikës rock të viteve 1960, një zhanër që Depp e admiron thellësisht.
Ky dëmtim i kyçit të këmbës është një pengesë për aktorin, veçanërisht pasi Hollywood Vampires duhej të shtynin një turne në Shtetet e Bashkuara për shkak të të njëjtit dëmtim. Raportet nga TMZ tregojnë se Depp fillimisht e ka ndrydhur kyçin e këmbës gjatë turneut promovues të filmit të tij të fundit, “Jeanne Du Barry”, në Festivalin e Filmit në Kanë. Më pas, TMZ u shpreh se situata u përkeqësua për shkak se Depp duhet të ishte fizikisht gjatë një eventi muzikor dhe të performonte në nder të mikut të tij të ndjerë, Jeff Beck.
Ata shtojnë se Depp ka thyer kyçin e këmbës dhe ka marrë këshilla mjekësore për të gjë që ka ndikuar ndjeshëm në aftësinë e tij për t’u angazhuar si në projekte muzikore ashtu edhe në filma.
Discussion about this post