Kolapsi i ndërtesës, 11 persona humbin jetën nga ngjarja tragjike

Ekipet e shpëtimit gërmuan nëpër rrënojat në kërkim të një gruaje dhe dy fëmijëve, të cilët janë zhdukur në fatkeqësinë e ndodhur të premten, 7 korrik

Të paktën 11 persona kanë humbur jetën pasi një bllok banesash u shemb në Paulista, pranë Recife në verilindje të Brazilit, ndërsa tre persona mbeten të zhdukur, thanë autoritetet.

Ekipet e shpëtimit po gërmonin rrënojat në kërkim të një gruaje dhe dy fëmijëve, të cilët janë zhdukur në fatkeqësinë e ndodhur dje. Njëmbëdhjetë persona u plagosën gjithashtu, nga 5 deri në 45 vjeç, sipas Mbrojtjes Civile të shtetit Pernambuco.

Një grua 65-vjeçare dhe dy vajza adoleshente janë nxjerrë të gjalla.

Ndërtesa trekatëshe ishte ngjitur me një kompleks të madh banimi, sipas pamjeve të publikuara nga mediat lokale.

Banesat atje u vulosën në vitin 2010 për shkak të rrezikut të shembjes së ndërtesës, por u uzurpuan në mënyrë të paligjshme, shtoi Mbrojtja Civile.

Në prill, një tjetër ndërtesë në të njëjtën gjendje u shemb në Olinda, ende në shtetin Pernambuco, duke vrarë 6 persona.