Zbardhen detaje të reja nga vrasja e shqiptarit Flamur Beqiri në Britaninë e Madhe, i cili u qëllua për vdekje në prag të Krishtlindjes në vitin 2019 nga një grup ekzekutorësh suedezë. Sipas të dhënave të publikuar nga institucionet hetimore në Londër, mendohet se ky ekzekutim ishte planifikuar për 6 muaj deri në momentin që u vu në zbatim.
Sulmi ndaj Beqirit, i cili u kap nga kamerat e sigurisë dhe ashtu sikur u tha në gjykatë, viktima ishte vrarë me gjakftohtësi. Raportohet se vrasësit kishin ardhur nga Suedia vetëm për të ekzekutuar Beqirin. Mediet e huaja tregojnë se, vrasësi është shtetasi suedez-tunizian Anis Hemissi, 24 vjeç, ndërsa ai vetë mohon vrasjen dhe posedimin e një pistolete.
Në lidhje me këtë çështje, akuzohen si të përfshire edhe 3 shtetas të tjerë suedez Estevan Pino-Munizaga, 35 vjeç, Tobias Fredrik Andersson, 32 vjeç dhe Bawer Karaer, 23 vjeç, të cilët mohojnë gjithashtu vrasjen. Prokurorët britanik thonë se zgjedhja e një lagje pranë lumit Battersa për të kryer vrasjen ka qenë e qëllimshme dhe e mirëmenduar. Një tjetër indikacion i cili ngre dyshimet se ngjarja ka qenë e planifikuar është se një nga të akuzuarit, Pino Munizaga udhëtoi drejtë Londrës në nëntor të 2019-ës për rreth 14 orë. Ai dyshohet se e ka marrë me qira banesën, ka vizituar shtëpinë e Beqirit dhe ka blerë një biçikletë, e cila më vonë është përdorur nga vrasësi për të kryer vëzhgimin e fundit të viktimës. Gjithsesi kjo është njëra pistë në të cilën po hetohet, por kërkimet për të zbardhur të vërtetën vazhdojë.
Kujtojmë se, Flamur “Alex” Beqiri, 36 vjeç, u qëllua për vdekje jashtë shtëpisë së tij 1.5 milion paundë në Battersea, në jug-perëndim të Londrës, rreth orës 21:00 më 24 dhjetor 2019.Babai i dy fëmijëve kishte dalë për darkë në restorantin Colbert në Sloane Square me gruan e tij Debora Krasniqi para se të qëllohej disa here. Hetuesit thanë se ai u qëllua nga pas dhe u vra para syve të gruas dhe djalit të tij dy vjeçar.
Discussion about this post