Një 42-vjeçar i quajtur Juljan Ismailaj, ka rënë në prangat e Policisë së Durrësit, pasi është zbuluar se ka qenë autor i disa vjedhjeve në qytetin bregdetar përgjatë ditëve të para të muajit korrik.
Lajmin e ka bërë të ditur policia dhe mësohet se Ismailaj ka kryer grabitje në 4 banesa të ndryshme në Durrës, duke marrë sende dhe bizhuteri me vlerë.
Gjithashtu gjatë kontrolleve policia ka sekuestruar pas arrestimit të Ismailajt 2 ora dore, një unazë floriri, 2 celularë dhe një automjet.
Vijojnë veprimet hetimore për zbardhjen e vjedhjeve të tjera që mund të jenë kryer nga ky shtetas, ndërsa materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
Discussion about this post