Klubi rumun, CFR Cluj ka njoftuar zyrtarisht transferimin e mbrojtësit shqiptar, Arlind Ajeti, i cili vjen nga Pordenone si lojtar i lirë.
Ajeti ka ndryshuar ambient duke u transferuar nga futbolli italian tek ai rumun. Mbrojtësi me origjinë shqiptare, i lindur në Zvicër është zyrtarizuar sot (e martë) nga skuadra e re, e cila ka njoftuar transferimin në rrjetet sociale.
“Me kënaqësi ju njoftojmë se Arlind Ajeti është lojtari i ri i ekipit tonë!”, thuhet në njoftimin e klubit vishnje.
Ata njoftuan se qendërmbrojtësi me origjinë shqiptare, i lindur në Zvicër ka luajtur në Serie A për Torinon, Frosinonen dhe Crotonen, ndërsa gjatë karrierës së tij, ai edhe në Zvicër për Grassopers, por edhe për FC Basel, skuadër me të cilën ka fituar 4 herë titullin dhe ka luajtur ndeshje në Ligën e Kampionëve dhe Ligën e Evropës.
Ajeti gjithashtu ka luajtur me kombëtaren e Shqipërisë, duke zhvilluar 21 ndeshje dhe duke qenë pjesëmarrës në UEFA EURO 2016.
https://www.facebook.com/cfr1907/posts/654980313325929?ref=embed_post
Discussion about this post