Gjykata Kushtetuese ka rrëzuar 4 nga 5 kërkesat e deputetes Ina Zhupa sa i takon çështjes së koncensionit të Butrintit, i cili do të menaxhohet nga fondi shqiptaro amerikan.
Qeveria shqiptare duhet të bëjë publike komunikimet me UNESCO-n gjatë kryerjes së procedurave për dhënien me koncesion të Parkut të Butrintit.
Kjo është e vetmja kërkesë e deputetes demokrate Ina Zhupa që u pranua në seancën e zhvilluar ditën e sotme në Gjykatën Kushtetuese.
Seanca e re në Kushtetuese në lidhje me këtë çështje do të caktohet pas datës 25 korrik.
Në nisje të seancës së sotme, Zhupa parashtroi dhe 5 kërkesat e deputetëve të opozitës, nga të cilat u pranua vetëm pika e parë.
Kërkesat e deputetes:
-Të gjitha komunikimet zyrtare mes shtetit shqiptar me UNESCO, që lidhen me koncesionin e Butrintit;
-Thirrja e dëshmitarëve për çështjen, ekspertë të fushës dhe njohës të Trashëgimisë Kulturore të Butrintit;
-Kërkojmë thirrjen e fondacionit shqiptaro-amerikan, kërkojmë të thirret adf, si subjekt i interesuar;
-Moslegjitimimi i fondacionit për menaxhimin e Butrintit, si i pabazuar në ligj;
-Pezullimin e vënies në zbatim të ligjit;
Sipas arsyetimit të dhënë nga anëtarët e Gjykatës Kushtetuese, komunikimet zyrtare mes qeverisë shqiptare dhe UNESCO-s janë edhe ato më të rëndësishmet që i shërbejnë procesit.
Mes debateve të shumta mes opozitës dhe maxhorancës, para disa muajsh kuvendi miratoi me 75 vota pro, 18 kundër dhe 1 abstenim marrëveshjen për menaxhimin e Parkut Kombëtar të Butrintin nga fondacioni shqiptaro-amerikan AADF, në të cilën bën pjesë edhe shteti.
Discussion about this post