Zyrtare, Pulisiç është i Milanit

Christian Pulisic ka përfunduar zyrtarisht transferimin e tij te Milan, ku Chelsea ka marrë 22 milionë euro, përfshirë bonuset.

Përfaqësuesi i Shteteve të Bashkuara fluturoi të mërkurën në mëngjes, bëri testet mjekësore, pozoi me fansat dhe më pas nënshkroi një kontratë katërvjeçare që zgjat deri në qershor 2027, me opsion për t’u zgjatur deri në qershor 2028.

Ai është lojtari i dytë që bën lëvizjen nga Chelsea te Milani këtë verë pas Ruben Loftus-Cheek.

Pulisiç ka 57 paraqitje për SHBA-të dhe 23 gola.

Pulisiç mbush 25 vjeç në shtator dhe ka qenë në Chelsea që nga shitja prej 64 milionë eurosh nga Borussia Dortmund në janar 2019.