Ish-prokurorja Elisabeta Imeraj tha mbrëmjen e sotme në “Opinion” se dosja e SPAK ndaj Arben Ahmetaj, në momentin ku jemi, ka të bëjë me veprime individuale të tij.
Por, sipas Imerajt, kjo nuk do të thotë se në të ardhmen SPAK të mos ngrejë akuza të tjerë ndaj subjektit, përfshi edhe ato në “bashkëpunim” si grup i strukturuar kriminal.
Imeraj tha se bazuar në dosjen, SPAK thotë se ka prova për të paktën 6 raste korruptive apo përfitime të paligjshme.
Ish-prokurorja tha se pasi Kuvendi të japë autorizimin për arrestimin e tij, i takon GJKKO që do të vlerësojë nëse ish-zv.Kryeministri do të ketë një masë sigurie “arrest me burg” apo jo.
“Gjithçka do të varet se si Gjykata do të vlerësojë provat. Nëse Ahmetaj nuk paraqitet, atëherë në varësi të vendimit të Gjykatës për masën e sigurisë, mund të bëhet edhe shpallja në kërkim ndërkombëtar”, tha Imeraj.
Discussion about this post