Shpërthen Alizoti për dosjen e Ahmetajt: S’ka shtet, ka kartel

Në emisionin Open në News 24 ishin të ftuar politikanë dhe gazetarë për të folur për çështjen e Ahmetaj.

Analisti Dritan Hila, ka komentuar situatën e krijuar në vend nga kërkesa e SPAK për arrestimin e Arben Ahmetajt.

Hila deklaroi se mazhoranca ka fituar kohë me shtyrjen e seancës, jo për fshehjen e provave nga Ahmetaj, i cili sipas tij ka pasur kohë të mjaftueshme në muajt e kaluar.

Sipas tij, mazhoranca kërkoi të fitojë kohë vetëm që të llogarisin koston nga kjo ngjarje.

Nga ana tjetër deputeti i PD, Tomor Alizoti u shpreh se Ahmetaj është informuar për arrestimin dhe është paralajmëruar që të largohet nga vendi.

Sipas tij në vend nuk ka më shtet, por ka një “kartel të mirëfilltë”.