Erling Haaland është një nga emrat më të diskutuar në lidhje me klubin e së ardhmes edhe pse merkato e dimrit do rreth një muaj të fillojë.
Norvegjezi i Borussia Dortmund është një nga talentet më të kërkuar nga gjigantët evropianë. ‘Goal’ raporton se Haaland e ka vendosur tashmë se cili do të jetë destinacioni i tij.
Sipas kësaj mediaje nëse do të largohet në nga Dortmund, sulmuesi do të zgjidhte vetëm një klub tjetër dhe ai është Real Madrid.
Me 49 gola në 49 takime të zhvilluara në Bundesligë për Dortmundin, 21-vjeçari shihet si një nga emrat më të mëdhenj të së ardhmes së futbollit.
Megjithatë ndonëse norvegjezi e pëlqen shumë Realin, ‘Los Blancos’ vijojnë të ketë në krye të listës së tyre Kylian Mbappe dhe do të ktheheshin nga Haaland vetëm në rast se francezi nuk do të pranonte të nënshkruante me ta./K.T/Gijotina.com
Discussion about this post