Paratë e mbledhura nga taksat që paguajnë qytetarët po shkojnë për plehrat. Pak ditë më parë Gijotina.com publikoi një artikull ku tregohej se sa shumë para përpijnë tre inceneratorët, me të cilët kanë lidhur kontratë bashkitë në vend. Konkretisht, vetëm për vitin që lamë pas u shpenzuan 1.8 miliardë lekë. Ndërsa vetëm për gjysmën e këtij viti u janë dhënë 103 milionë euro.
Sipas të dhënave të publikuara nga raporti i fundit i Co-plan thuhet se rreth 88% e të ardhurave nga tarifat për shërbimet publike nga bashkitë në vend u mblodhën nga tarifa e pastrimit dhe higjienës. Kjo ka pasuar shpenzime të larta për menaxhimin e mbeturinave, përveç pagesave për inceneratorët. Këtu Veliaj dhe Sako shpenzuan 31 MLN € për plehrat në 2022.
Konkretisht kryebashkiaku i Tiranë, Erion Veliaj, ka shpenzuar 2.4 miliardë lekë për plehrat.
Duke pësuar rritje në raport me një vit më parë, ndërsa theksojmë se Bashkia Tiranë rriti edhe pagesat për inceneratorin.
“Bashkia Tiranë shpenzoi 2.4 miliardë lekë për zërin e mjedisit në 2022, me një rritje prej 18% në krahasim me vitin 2021 dhe 21.3% në krahasim me 2020-n. Shpenzimet për këtë zë përbënin 14% të totalit të të ardhurave të veta, që bashkia e kryeqytetit mbledh nga taksat e tarifat”, thuhet në raport.
Sakaq, theksojmë se Veliaj bënë disa pagesa veç për pastrimin edhe ndaj Eco-Tirana, fitimet e të cilës ndahen me miqtë italianë të Erion Veliajt. Ndërkohë, duhet të theksojmë se niveli i papastërtisë në kryeqytetet mbetet si mos më keq. Kudo ka kosha të tejmbushur me mbeturina dhe plehra të përhapur nëpër rrugë. Në shumë lagje periferike rrugët pastrohen shumë rrallë.
Bashkia Durrës
Për Bashkinë Durrës Co-plan tregon se gjatë vitin 2022, të ardhurat e veta të Bashkisë ishin 1.53 miliardë lekë. Ndërkohë pjesën më të madhe të shpenzimeve e çoi për pastrimin e mjedisit. Gijotina.com ka denoncuar herë pas here tenderët abuzivë për kosha dhe menaxhim mbetjes që janë zhvilluar nga SAKO. Por deri më sot nuk është marrë asnjë masë.
Edhe Bashkia Durrës ka një kontratë me inceneratorin. Të dhënat nga Ministria e Financave tregojnë se Bashkisë Durrës shpenzon 3-4 milionë euro në vit për të dërguar plehrat në inceneratorin e Sharrës dhe për të paguar tarifën e depozitimit.
Ndërkohë Emiriana Sako bën edhe shpenzime të tjera me tenderë. Ku në vitin që lamë pas ka shpenzuar 964 milionë lekë për mbrojtjen e mjedisit.
“Durrësi shpenzoi për zërin e mbrojtjes së mjedisit 964 milionë lekë në vitin 2022, me rritje 120% në raport me vitin e mëparshëm, kur mbeturinat filluan të dërgoheshin te koncesionari i inceneratorit të Tiranës në mes të vitit. Ndërsa në raport me 2020-n, kur e bënte vetë menaxhimin e mbeturinave, shpenzimet u rritën me 151%”, thuhet në raportin e Eco-Plan.
Bashkia Durrës, sipas burimeve të saj, gjeneron çdo ditë rreth 200 tonë mbetje, ose rreth 70 mijë ton në vit. Sipas kontratës, që qeveria ka me koncesionarin e plehrave në Sharrë, kosto e depozitimit të mbetjeve është 29.05 euro/ton për të gjithë kohëzgjatjen e koncesionit. Pra çdo vit, Bashkisë Durrës do t’i duhen mbi 3 milionë euro në vit vetëm për pagesën e koncesionarit. Duke bërë që paratë e qytetarëve të hidhen në kosh.
Lexo edhe: Shteruan buxhetin/ Inceneratorët morën 103 MLN € deri në qershor 2023
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post