Këngëtarja shqiptare me famë botërore, Rita Ora, ka publikuar të premten albumin e saj më të ri, “You & I”. Ky album i cili është njëherësh i treti në karrierën e saj dhe ka plot 12 këngës të reja, mes tyre edhe një bashkëpunim me Fatboy Slim.
E teksa të premten mori urime e komente të shumta nga fansat, familjarët e rrthi shoqëror, sigurisht që një dedikim i veçantë nuk mungoi edhe nga bashkëshorti i saj, Taika Ëaititi.
Ai publikoi në rrjetin social Instagram koopertinën e albumit të saj të ri, “You & I” si dhe disa fotografi të gruas së tij, ku shihet duke pozuar pranë banerit që reklamon albumin e ri.
Mirëpo e veçanta e këtij dedikimi, ishte fakti se regjisori me prejardhje nga Zelanda e Re, kishte zgjedhur që ta uronte këngëtaren edhe me disa fjalë në gjuhën e saj të nënës.
Ai e nisi dedikimin e tij duke shkruar në shqip fjalën “Vëmendje”, për të vazhduar më pas me: “Urime Zog! Unë jam shumë krenar për ju. Unë të dua”. Me “zog”, Taika i referohet mënyrës se si ai e thërret me përkëdheli gruan e tij.
Rita përndryshe ka treguar se “You & I” është një album personal, dedikuar jetës së saj private dhe në veçanti dashurisë së saj të vërtetë, të gjetur pas shumë lidhjeve të dështuara në jetën e saj.
Discussion about this post