Për Bashkinë e Kukësit ende nuk ka një datë se kur do të zhvillohen zgjedhjet e parakohshme për Kryebashkiak, pasi Safet Gjici u dorëhoq dhe më pas u shkarkua me VKM, pas publikimit të një video-skandali në zyrën e tij.
E ndërsa Gjici përballet me drejtësinë, duket se ka një ngërç për caktimin e datës për mbajtjen e zgjedhjeve mes Kryeministrisë dhe Presidencës.
Më parë ishte raportuar se shkak për ngërçin e krijuar ishte fakti se socialistët nuk po përcaktonin dot kandidatin me të cilin do t’i drejtoheshin banorëve të Kukësit për ti kërkuar votën, megjithëse kishin 4 kandidatura.
Së fundmi duket se mes emrave që kanë tentuar të marrin mbështetjen e drejtuesve socialistë, kryeson prefekti Ali Hallaçi.
Ky i fundit ndoshta do të garojë përballë kandidatit që do të propozohet nga opozita, e cila mund të rikandidojë Admir Sinamatin, edhe pse kanë shfaqur interes edhe dy tre figura të tjera lokale, përfshi edhe një ish-deputet.
Discussion about this post