Sulmuesi i Kombëtares shqiptare, Sokol Cikalleshi ka mbyllur pushimet e tij dhe është kthyer përsëri në krye të detyrës duke rinisur stërvitjen parasezonale. Kavajasi, tashmë nuk do të vazhdojë më karrierën në Arabinë Saudite, ku luajti në sezonin e fundit, por përsëri në Turqi.
Pasi ka mbyllur huazimin për një sezon te Al Khalej në kampionatin saudit, Cikalleshi ka nisur përgatitjet me turqit e Koniaspor, ku ka një kontratë edhe për një tjetër sezon.
Futbollisti është takuar menjëherë me trajnerin e ri të skuadrës, Aleksandar Stanojeviç dhe është venë në dispozicion të tij për të vazhduar kontratën.
Në favor të sulmuesit të përfaqësueses shqiptare është se për shkak të ndryshimeve në ekip, ai tashmë mbetet qendërsulmuesi i vetëm në skuadër dhe trajneri i ri dëshiron të ketë në kontingjent një lojtar me eksperiencë dhe që njeh grupin.
Ndaj sipas mediave turke, vijimësia e tij te Koniaspor duket thuajse e sigurt.
Discussion about this post