Një sasi e madhe droge është kapur sot në aksin Kakavijë-Janinë. Nga aksioni anti-drogë janë sekuestruar 48 kg 850 gram marijuanë.
Burime bëjnë me dije se droga u kap në vendin e quajtur Kallpaq.
Ndërkohë, në pranga ka rënë drejtuesi i mjetit tip “Seat Altea”, një shtetas shqiptar. Mësohet se droga u gjet në vende të improvizuara enkas në shasinë e mjetit, ku ishin futur 50 pako që përmbanin 48 kg 850 gr marijuanë dhe një pako me 24.7 gr kokainë.
Po ashtu, mësohet se u sekuestruan 300 euro dhe 1 celular.
Nuk dihet ende nëse ka persona të tjerë të përfshirë në këtë veprimtari kriminale. Pritet që ky dyshim të zbulohet pas marrjes në pyetje të të arrestuarit.
Discussion about this post