Sulmuesi anësor i Tottenhamit, Heung-Min Son, pati një lëkundje sezonin e kaluar, pasi u rrënua nga dëmtimet e shpeshta dhe forma e tij ishte jokonsistente.
Anësori komentoi mundësinë e kalimit të tij eventual në ligën e Arabisë Saudite dhe shtoi se Premier League është liga e ëndrrave të tij.
“Ndoshta nëse do të doja të shkoja në Arabinë Saudite, do të isha atje, jo këtu. Më pëlqen të luaj futboll. Natyrisht, paratë janë gjithashtu të rëndësishme, por ëndrra ime është të luaj në Premier League dhe kam ende shumë për të bërë”, tha Son.
“Sidomos sezonin e kaluar kam vuajtur fizikisht. Ky nuk është Son që unë njoh. Kështu që unë dua të vërtetoj se këtë sezon unë jam ai që të gjithë e njohim.
Unë dua t’ia dëshmoj vetes këtë dhe dua të kthehem në klubin ku i përkas”, vazhdoi ai.
“Arabia Saudite padyshim që shumica e njerëzve po shkojnë atje për momentin, gjë që është vërtet, shumë interesante. Por Premier League është ende një ëndërr për mua dhe mezi po e pres këtë sezon”, shtoi koreano-jugori.
Discussion about this post