Bie në kontakt me energjinë, përfundon në spital 11-vjeçari

Një 11 vjeçar ka rënë në kontakt me rrymën elektrike.

Policia njoftoi se ngjarja ka ndodhur rreth orës 18:55, në rrugën “Irfan Tomini”, në afërsi të Qendrës Shëndetësore Nr. 8.

“Një i mitur 11 vjeç, duke luajtur, aksidentalisht ka prekur kasetën që furnizon me energji elektrike pallatin, dhe ka rënë në kontakt me rrymën elektrike”, thuhet në njoftimin e bluve.

Si pasojë 11-vjeçari është dëmtuar dhe ndodhet në Spitalin e Pediatrisë nën kujdesin e mjekëve, ndërsa grupi hetimor po punon për sqarimin e rrethanave të ngjarjes, shtuan të njëjtat burime.