Të shtunën, më 15 korrik, Lionel Messi u prezantua zyrtarisht te klubi amerikan, Inter Miami, më shumë se një muaj pas largimit nga gjigandët francezë të Paris Saint-Germain.
Menjëherë ka reaguar edhe Victoria Beckham. Ish-diva e “Spice Girls” tha se ishte krenare për bashkëshortin e saj, ish-futbollistin anglez dhe mirëpriti Lionel Messin dhe gruan e tij Antonela Roccuzo në Miami.
“Nuk kam fjalë të mjaftueshme për të shprehur sa krenar jam për David Beckham. Të kam parë duke punuar kaq shumë për ta bërë realitet këtë moment dhe më në fund ndodhi. Puthje, Leo Messi, Antonela Roccuzzo, Inter Miami!”, ka shkruar Victoria Beckham në Instagram.
Bashkëshortja e Lionel Messit ka reaguar me shpejtësi ndaj postimit të Victoria Beckham. Antonela Roccuzo shtoi tre zemra në pjesën e komenteve të postimit.
Lionel Messi mund të debutojë me klubin nga Florida më 21 korrik, kundër kryeqytetasve meksikanë të Cruz Azul.
“Jam shumë i emocionuar që do të filloj hapin tjetër në karrierën time, me Inter Miami dhe në Shtetet e Bashkuara. Është një mundësi fantastike dhe së bashku do të vazhdojmë të ndërtojmë këtë projekt të bukur.
Ideja është që të punojmë së bashku për të arritur objektivat që i kemi vënë vetes dhe jam shumë i paduruar të filloj të ndihmoj këtu, në shtëpinë time të re”,- tha Lionel Messi në prezantimin zyrtar.
Discussion about this post